قصيدة بعنوان : ... مـواثـيـق وعـهـود ...

... مواثيق وعهود ...

من واقع أفكاري .. وعالم خيالي
خلقت قصّة بالأصل .. مالها وجود

عشان اغيض بها رفيق الليالي
اللي عطيته خافـق ٍبالغلا يجـود

قصّة ومكتوبه لجل شخص غـالي
من غيبته عنّي .. وبه شي مفقـود

اللي بعد فرقاه !! ياويل حـالي
سواة .. من بالهمّ والجرح موعود

ياللي نسيت الودّ شف ما جرالي
تركتني فـي درب .. تاليه مسـدود

بأحضان دنيـا ضيّقت حيل بالي
مع عالم ٍ ياكل بعض كنّه الـدود

هذا وأنا اللي في غرامك مثـالي
متقيّدٍ بالحبّ ... لو مالي قيود

بنيت لك قصر ٍمن الشـوق عالي
حلم ٍرسمته من عنا قلب مجهود

لكن حسافة !! ما حفظتي وصالي
بعتي خفوق ٍ.. لك شرايينه جنود

لكن رغم ما صار .. ياراس مـالي
لك في سما المحروم .. برّاق ورعود

باقي لك بصدري .. غلا وحبّ غالي
يكتب حروف اسمك (مواثيق وعهود)

لا تحسبيني .. يااريش العين سالي
لا والذي سـوّاك ... ياليّن العود

أنا عطيتك عشق .. فاق احتمالي
أقولها .. وأبيات شعري لك شهود

حبّك مرافقّني ... وكنّـه ظـلالي
من وين ما وجّهت .. ألقاه موجود

عندي أمـل باللي رفع سبع عالي
ترجع مثل ما كنت وأيّامنا تعود

ونكمّل أجمل .. ما لنـا من ليـالي
عشق ٍيفوق الوصف .. لكن بلا حدود

وارسمك صورة .. فاقت أجمل خيالي
واكتبك ياقصّة مها ... عشق ٍيزود

................ بـقـلـمـ ................
... الـمـحـ (أبو شـوووقـ) ـروووم ...
.......................................

كلمات عذبه

قلم ذهبي

انامل مبدعه

وكعادتك تكتب مايتسساقط رقه وعذوبه

مبددع كما انت دوووما

اشكرك لمشاطرتك لنا ابداعك

» قصيدة بعنوان : ... وداعيّة مها ...
» قصيدة بعنوان : ... قــصّــة مــهــاااا ...
» قصيدة الخطلاء