قـصـيــدة ... دمع وسهر ليل ...

... دمع وسهر ليل ...

ياللي طموحك .. كنت بعزومي أبنيه
مع الآسف ... وشلون قلبي خذلتيه

أهديت لك قلبٍ .. به الصّدق والطيب
فيه الوفاء والحبّ ... لكن جرحتيه

تاسع سنه .. والقلب ينزف ومجـروح
لا طاب من جرح ٍ.. لقى جرح يشقيه

وش عاد أسوّي .. ما بقالي خيارات
سوّيت ... ما غيري عجز لا يسوّيه

احيان .. أفكّر انتحر .. لكن احيان
أقول في نفسي !!! لجل خاينه ليه

واحيان .. أفكّر انتحر .. لكن أقول
يامكبره من ذنب ... ما أقدر أسوّيه

على كذا .. ما عاد باقي .. لي ألا
أرضى بنصيبي ... والزمان وبلاويه

والخوف كلّ الخوف .. لا أكون بعدين
فاقد عقل ... يمشي يهذري بماضيه

بأسباب من حبّيتها .. بصدق وإخلاص
في وقت فيه الصّدق .. ضاعت مباديه

اللي غلاها ... كان لي مثل الأنفاس
وتقديرها .. ما به حشا من يضاهيه

لكن حسافه !!! جازت الطيب نكران
يوم أنكرت قلبٍ ... زمانه لعب فيه

على العموم الوقت من عاش به شاف
شيّ ٍ يهوّل ... من به احساس ٍ نزيه

وأمّا بـعـد ... ياشلّة الحبّ والليل
ما بالزمن ذا حبّ ... تصدق تواليه

أقولها ... والتجـربه خير برهـان
واللي مشكّك ... راح وقته يـورّيه

بإنّ الهوى تاليه ... دمع وسهر ليل
ومن لا صحى .. بكره زمانه يصحّيه

................ بـقـلـمـ ................
... الـمـحـ (أبو شـوووقـ) ـروووم ...
........................................

صح لساااااااااااانكك يعطيييييييكك الف عااافيه

قـصـيــدة ... دمع وسهر ليل ... 93338

» قـصـيــدة ... ليتك عــرووسة لي ...
» قـصـيــدة بـعـنـوان ... مـع الــســلامــه ...